بحبك يا مصر - الأكثر قراءة

خالد سعيد

الزيارات: 1080
تعطيل النجومتعطيل النجومتعطيل النجومتعطيل النجومتعطيل النجوم
 

لا أنا قادر ألاقي كلام

و لا قادر أفضل ساكت

و لا عارف حتى أنام

و أحس عيوني إرتاحت

مش قادر أشوف قدام

و لا أبص ف أيام فاتت

دا كأني عملِت حرام

و كأن إيديه إغتالت

شاب و ف عنيه أحلام

فوق أرض الشارع ماتت

إتقلب النور لضلام

و كأن الشمس إدارت

القلب إتملا بآلام

كرامتنا رخيص إتباعت

و إتبهدلنا ف أقسام

بإيدين مخبر أو ظابط

و سنين بتفوت و أيام

و إحنا بتحكمنا طوارئ

ويا الصهايين في سلام

و عشانّا يقيموا مشانق

و شيوخ سلاطين خُدام

و رجال أعمال بِتنافق

شوف ثرواتهم بقوا كام

و الشعب المطحون مش فارق

نستاهل إحنا مادام

بنخاف مخلوق مش خالق

بنافق في الحُكام

و نسينا أي مبادئ

فا يا إما نفوق م الأوهام

و ضميرنا بصدق يكون ناطق

يا أنت ف يوم القيام

ترفض تسامحنا يا خالد

0
0
0
s2smodern