الحكم مش بعد المداوله
الحكم معروف من سنين
عنصريه بنولها دوله
و سوق دعاره و نخاسين
قالوا هتلر عهده ولى
و مين يصدق كدابين
شعب نازي تاريخه و لاَّ
النازيه جت منين؟
و الميزان أبو كفه مايله
كفته ميلها مين؟
غير قلوب للحقد شايله
و كارهه كل المسلمين
و حكومات آخرتها زايله
في القريب أو بعد حين
و قيادات بقوا لينا عله
و نهايتهم زفت طين
رضيوا لينا بالمذله
و باعوا فينا لمشركين
و شاعوا بينّا الست حره
لو كتافها عريانين
و الحجاب حاربوه بمؤامره
شاركوا فيها منافقين
و إحنا برضه سكوتنا خلى
نبقى دايماً مقهورين
ع التراب يا دمانا سايله
و فوق بلاط السفاحين
بس نحلَف بيك يا الله
إحنا بكره منصورين
دا أحنا أحفاد خير أمّه
و هُم أحفاد ستالين
و الشهيدة الغاليه مروه
بنت كل المؤمنين
