بحبك يا مصر - الأكثر قراءة

جالا جالا

الزيارات: 964
تعطيل النجومتعطيل النجومتعطيل النجومتعطيل النجومتعطيل النجوم
 

 

جالا جالا يا أبن الجاليه .. يا جاى من مصر الغاليه

ياللي إنت بتقول ويايا .. النمسا دي بلدنا التانيه

جالا جالا أشتوت أشتات .. يا جاليه بتموت ف الخناقات

لو فيه حكايه تكون حكايات .. و الإتحاد يبقى إتحادات

و فيينا تبقى الجماليه

جالا جالا حابس حابس .. الإتحاد مولود بايظ

فيه ناس بِتحلم بمراكز .. و يبيعوا هوا جوا أزايز

فاكرين عقولنا مناخوليا

جالا جالا مع (سيم سالابيم) .. مكتوب علينا نشيل الهم

و صداع يجيلنا و ضغط الدم .. من إتحاد إبتدا بالخم

و كشوف أسامي هلاميه

جالا جالا دستور دستور .. لو علقولنا كهارب نور

أو حتى قادوا عشانّا بخور .. ماهُو بان خلاص ما بقاش مستور

الإتحاد دا ملوخيه

جالا جالا رايحه و جايه .. أيام عليكم و عليّا

أحوالنا تفضل فيها مايله .. لو قولنا قيس يطلع ليلى

و الإتحاد نلاقيه بلوى

0
0
0
s2smodern